ജീവിതം ഒരു നാടകശാല

 ഇന്ന് അയാൾ ഒരു മധ്യവയസ്ക്കൻ ആയിരിക്കുന്നു.
ആർക്കും വേണ്ടാത്ത ഉപയോഗശൂന്യമായ കളിപ്പാട്ടം പോലെ.  ഒറ്റപ്പെടലിൽ നിന്നും ഒറ്റപ്പെടലിലേക്കു നീങ്ങിയപ്പോഴും മനസ്സിന്റെ താളം മനസ്സിലാക്കാൻ ഒരിക്കലും കഴിഞ്ഞിരുന്നില്ല. എല്ലാവരും ഉണ്ടായിട്ടും ആരുമില്ലാത്തവനെപ്പോലെ ജീവിക്കേണ്ടിവരുന്നവന്റെ അവസ്ഥയെക്കുറിച്ചു ആർക്കും പറയാൻ സാധിക്കുകയില്ല...........
        ഒന്നിലും അടിയുറച്ചു നിൽക്കുവാൻ സാധിക്കുകയില്ല... ഇന്ന് സുഖമാണെങ്കിൽ നാളെ ദുഃഖം.  രണ്ടിനെയും പല സ്ഥലങ്ങളിൽ വച്ച് കണ്ടുമുട്ടിക്കൊണ്ടേയിരിക്കുന്നു.  ഒരേ അവസ്ഥയിൽ തന്നെ നിലകൊള്ളുവാൻ ആർക്കും സാധിക്കുകയില്ല.

ഇന്ന് അയാളെ ഭൂതകാലം എന്ന ചിന്തയാണ് വേട്ടയാടിക്കൊണ്ടിരിക്കുന്നതു.  ഭൂതകാലം എന്ന ഭൂതം വർത്തമാനകാലത്തെ കൈകാര്യം ചെയ്യുന്നു. അയാൾക്ക്‌ മാത്രമല്ല എല്ലാവർക്കും.,എനിക്കും ഇത് ബാധകമാണ്.  ചെയ്യുന്ന തെറ്റുകൾ തിരുത്തുവാൻ ശ്രമിക്കുക.  അതിനെയോർത്തു വിഷമിക്കുകയല്ല ചെയേണ്ടത്........
 
   ആരായിരുന്നു അയാൾ....?
പ്രലോഭനങ്ങളിൽ മുഴുകി എന്തൊക്കെയോ ആകുവാൻ ശ്രമിച്ചു. എന്നാൽ അതിനും അയാൾക്ക് കഴിഞ്ഞിരുന്നില്ല.  ഒരു സാധാരണക്കാരനെപ്പോലെ എന്തൊക്കെയോ നേടി......
എന്ത് നേടിയിട്ട് എന്ത് കാര്യം?

കുറ്റങ്ങൾ മാത്രം കണ്ടെത്താനും ക്രൂശിക്കുവാനും കഴിവുള്ള ചുറ്റുവട്ടങ്ങൾ..  അതിന്റെ ആകെത്തുകയാണ് അയാൾ........

അയാൾക്കും ഒരു മനസ്സുണ്ടായിരുന്നു ആഗ്രഹങ്ങളും, ഉണ്ടായിരുന്നു. ആരുടെയൊക്കെയോ ആഗ്രഹപ്രകാരം എന്തൊക്കെയോ ആകുവാൻ വേണ്ടി ജീവിക്കുന്നു. ഇങ്ങനെ ജീവിക്കുന്നതിന്റെ ഉദ്ദേശം നന്മയാണെന്നു മറ്റുള്ളവർ പറയുകയും ചെയ്യുന്നു..

എന്താണ് അത്?
 
ഏതാണ് ശെരി?.........
ഏതാണ് തെറ്റ്?....... ...

പൂർണ്ണമായും ശെരിയായിട്ട് ആരാണ് ഇവിടെ ഉള്ളത്?.....,
പൂർണ്ണമായും തെറ്റായിട്ട് ആരാണ് ഉള്ളത്?

പറഞ്ഞു തരൂ?

  എനിക്കറിയില്ല..........
ആർക്കും അറിയില്ല.........

നന്മകൾ മാത്രം ചെയ്യണമെങ്കിൽ പൂർണമായും ആത്മീയ വിശ്വസിയായി ജീവിക്കണം..  ഇല്ലെങ്കിൽ തിന്മകളിൽ മാത്രം ജീവിക്കണം.

ഒരു കാര്യം ഉറപ്പിക്കാം "ഷേക്സ്പിയർ " പറഞ്ഞത് സത്യമാണ്.  ജീവിതം ഒരു നാടകശാലയാണ്.
നമ്മൾ അതിലെ അഭിനേതാക്കളും......
നമുക്ക് ചെയ്യുവാൻ നമ്മുടേതായ റോളുകൾ ഉണ്ട് അത് ഭംഗിയായി ചെയ്യുവാൻ കഴിവുള്ളവൻ ആണ് യഥാർത്ഥ നായകൻ..  എന്നാൽ ഒരു കാര്യം ശ്രദ്ധിക്കുക... എല്ലാവരും നായകന്മാർ ആകുന്നില്ല...
എല്ലാവർക്കും അവരുടേതായ റോളുകൾ ഉണ്ട്. എല്ലാവരും നായകന്മാർ ആയി അഭിനയിച്ചാൽ നാടകം എങ്ങനെയുണ്ടാവും?


അതുകൊണ്ട് ജീവിതത്തിൽ നല്ല അനുഭവങ്ങളും മോശം അനുഭവങ്ങളും ഉണ്ടായിക്കോട്ടെണ്ടിരിക്കും. ഒരു നഗ്ന സത്യമാണ്... ഇതിനെ രണ്ടിനെയും നേരിടാനാണ് ലോകം എന്ന ഈ നാടകശാലയിലേക്കു എല്ലാവരും എത്തിയിരിക്കുന്നത്.  ഒരു കാര്യം ശ്രദ്ധിക്കുക.....
ആരും നല്ലവരും അല്ല ആരും ചീത്തയുമല്ല.


ഇന്നത്തെ ദിവസം സുഖമായിരുന്നു എന്നിരിക്കട്ടെ. ഇന്നത്തെ പോലെത്തന്നെ നാളെയും ആയിരുന്നെങ്കിൽ എന്ന് വിചാരിച്ചാൽ ദുഃഖം തുടങ്ങുകയായി.......
"ഇന്നത്തെ പോലെയല്ല നാളെ.. നാളത്തെപ്പോലെയല്ല മറ്റന്നാൾ "

ഇന്നത്തെ കൂട്ടുകാരായിരിക്കും നാളത്തെ ശത്രു..
ഇന്നത്തെ ബന്ധങ്ങൾ ആയിരിക്കില്ല നാളത്തെ ബന്ധങ്ങൾ....  അത് മാറിക്കൊണ്ടേയിരിക്കും.
ഇത് എന്ന് മനസ്സിലാക്കുന്നുവോ...  അംഗീകരിക്കുന്നുവോ....  അന്ന് തീരും പ്രശ്നങ്ങൾ.


ഞാൻ ഇത് അയാൾക്ക് വേണ്ടിയാണ് എഴുതിയത്. ഞാൻ പറയില്ല അയാൾ ആരാണെന്ന്...