ഒറ്റപ്പെടൽ

ജീവിതത്തിൽ ചില ആളുകൾ നമ്മെ ഒറ്റപ്പെടുത്താറുണ്ട്. നമ്മളെ സ്നേഹിക്കാൻ ആരുമില്ലാത്ത അവസ്ഥ, ആർക്കും വേണ്ടാത്ത അവസ്ഥ. പലരീതിയിലേക്ക് ചിന്തകൾ സഞ്ചരിക്കുന്നു. എനിക്കിനി ആരുണ്ട്? ഞാൻ എങ്ങനെ ജീവിക്കണം തുടങ്ങിയ പ്രതിസന്ധികളും ചിന്തകളും അലട്ടിക്കൊണ്ടിരിക്കുന്നു. ഞാൻ ഇപ്പോൾ ഒറ്റപ്പെടുത്തലുകളെ സ്നേഹിക്കുന്നു. കാരണം എന്നെ ഞാനാക്കിയത് ഈ ഒറ്റപ്പെടുത്തലുകളാണ്. ഒറ്റപ്പെടൽ സംഭവിക്കുമ്പോൾ ഞാൻ എന്നെക്കുറിച്ചാണ് കൂടുതലായും ചിന്തിക്കുന്നത്. എന്റെ ചിന്ത, അനുഭവങ്ങൾ എല്ലാം തന്നെ പാഠങ്ങളാണ്. ഒറ്റപ്പെടലുകൾ ജീവിതത്തിന്റെ ഭാഗമാണെന്ന് ഞാൻ മനസ്സിലാക്കുന്നു.