കണിക്കൊന്ന

തൃശൂർ നഗരത്തിലേക്കുള്ള യാത്രക്കിടയിൽ വടക്കുംനാഥ ക്ഷേത്രത്തിൽ കയറി തൊഴുതു പ്രാർഥിച്ചു. ക്ഷേത്രത്തിന്റെ ഉൾഭാഗം വളരെ മനോഹരമാണ് അമ്പലത്തിനുചുറ്റും ധാരാളം വൃക്ഷങ്ങളും ചെടികളും നട്ടുവളർത്തിയിരിക്കുന്നു. അതിമനോഹരമായ പൂക്കളും ക്ഷേത്രത്തിനുചുറ്റും ഉണ്ട്. ചില മരങ്ങളിൽ വള്ളി പടർന്നു താഴേക്കുവീണുകിടക്കുന്നു. നല്ല ചൂടുള്ള സമയമാണെങ്കിലും ഈ മരങ്ങൾ അമ്പലത്തിനുചുറ്റും തണലും കുളിർമ്മയും നൽകുന്നുണ്ട്. എന്നെ ഏറ്റവും കൂടുതൽ അത്ഭുതപ്പെടുത്തിയത് ക്ഷേത്രത്തിനു മുന്ഭാഗത്തുനിൽക്കുന്ന കണിക്കൊന്നയാണ് മുത്തുക്കുട പിടിച്ചുനിൽക്കുന്ന സ്വർണ്ണനിറത്തിലുള്ള മനോഹരമായ പൂക്കൾ എന്നെ വളരെയധികം ആകർഷിച്ചു. എത്ര മനോഹരമായ കാഴ്ചയാണിത്.

ഞാൻ ഒരുപാട് നേരം പൂക്കളുടെ ഭംഗി ആസ്വദിച്ചു. സൂര്യന്റെ പ്രകാശകിരണങ്ങൾ ഏൽക്കുമ്പോൾ സ്വർണ്ണനിറത്തിൽ തിളങ്ങുന്ന പൂക്കൾ. എനിക്ക് വളരെയധികം ഈ കാഴ്ച്ച ഇഷ്ട്ടപ്പെട്ടു.