അസ്തമയം

 

കടൽകാറ്റ് വീശിത്തുടങ്ങി . കടൽകാക്കകൾ ദൂരേയ്ക്ക് പാറുന്നുണ്ട് .

ഈ സായാഹ്നം രാജേഷിന് അപരിചിതമല്ല ...

മൊബൈൽ റിംഗ് ചെയ്തു .

" ഹാലോ ഞാൻ പറയുന്നത് കേൾക്കു ... നീ എന്തിനുള്ള പുറപ്പാടാ ... ഹാലോ നീ
എന്തെങ്കിലും ഒന്ന് പറയൂ...."


അവന് സംസാരിക്കാൻ കഴിഞ്ഞില്ല .....       


"ശരി നീ അവിടെ നിൽക്ക് ഞാനിപ്പോൾ വരാം "

അവൻ ഫോൺ കട്ട് ചെയ്തു .....


തിരമാലകൾക്ക് ശക്തി കൂടുന്നതുപോലെ തോന്നി .

എന്നാൽ തിരമാലയുടെ അലയടി ശബ്ദം മനസ്സിലായിരുന്നു.

അരുൺ പതുക്കെ നടന്ന് അവന്റെ അരികിലെത്തി .


"രാജേഷ് നീ പോയ കാര്യം എന്തായി ?

രാജേഷിന്റെ ഒപ്പം അവൻ ഇരുന്നു.


തറയിൽ കിടന്ന പൂഴിമണൽ അൽപ്പം വാരി ദൂരെക്കെറിഞ്ഞു.


"എന്ത് പറയാൻ ഇതൊന്നും എനിക്ക് വിധിച്ചിട്ടില്ല കൂട്ടുകാരാ .
എഞ്ചിനീയറിംഗ് കഴിഞ്ഞിട്ട് മൂന്നുവർഷം കഴിഞ്ഞു..

"പോട്ടെ എല്ലാം പോട്ടെ"

കണ്ണിലെ കണ്ണുനീർ സൂര്യപ്രകാശത്താൽ വറ്റിയിരിക്കുന്നു...


"അപ്പോൾ നിന്റെ അച്ഛന്റെ ആഗ്രഹം ?"

ഹും .... ആഗ്രഹം ......................................

രാജേഷ് അട്ടഹസിച്ചു ഒരു ഭ്രാന്തനെപ്പോലെ.


"എനിക്കറിയില്ല "

തറയിലിരുന്ന ബാഗ് കയ്യിലെടുത്തു. അത് തുറന്ന് കുറച്ചു സർട്ടിഫിക്കറ്റുകൾ
അലക്ഷ്യമായി മറിച്ചുനോക്കി.

ദേഷ്യംകൊണ്ട് അത് വലിച്ചുകീറി.


"നീ എന്ത് ഭ്രാന്താ ഈ കാണിക്കുന്നത് ?"

അരുണിന് അവനെ തടയാൻ സാധിച്ചില്ല.


"ഹാ ഹാ ആഗ്രഹം..........................."

ഒരു ഭ്രാന്തനെപ്പോലെ അട്ടഹസിച്ചു ...


വലിച്ചുകീറിയ പേപ്പറുകൾ കാറ്റിൽ പറന്നുയർന്നു......

ഒരുകൂട്ടം കാക്കകൾ അതിനുചുറ്റുംകൂടി..

"പ്രതീക്ഷകൾ, ആഗ്രഹങ്ങൾ എല്ലാം ഇതാ .........


പരസ്‌പ്പരം ഒന്നും സംസാരിക്കാൻ കഴിയാതെ വിശാലമായ മണൽപ്പരപ്പിൽ അവർ ഇരുന്നു ....

ഇനി എന്ത് എന്ന ചോദ്യം അവശേഷിക്കുന്നുണ്ട് ..

അങ്ങകലെ ഒരു കൂറ്റൻ കപ്പൽ നങ്കുരമിട്ടു.


"എനിക്കിന്ന് അസ്തമയം കാണാം ......"

"മനോഹരമായ അസ്തമയം ........"