വസന്തകാലപൂക്കൾ

 

'ഒരു തണുത്ത പ്രഭാതം. ഇളംകാറ്റ് വീശുന്ന തണൽമരങ്ങൾ ഉള്ള ചെറിയ നടപ്പാതയിലൂടെ ഞാൻ നടന്നുനീങ്ങി. എന്റെമനസ്സിൽ മുത്തശ്ശിപറയാറുള്ള വസന്തവും ശിശിരവും ഗ്രീഷ്മവും ഒരു ചെറിയ കഥപോലെ അനുഭവപ്പെട്ടു. നടന്നു നടന്നു ഒരു തടാകത്തിന്റെ താഴ്‌വരയിൽ എത്തി തടാകത്തിലൂടെ തെന്നിനീങ്ങുന്ന അരയന്നങ്ങളും വിടർന്നു നില്ക്കുന്ന താമരപൂക്കളും എത്ര മനോഹരമാണ്. കൊഴിഞ്ഞുവീഴുന്ന ഇലകളിൽതൊട്ടു ഞാൻ നടന്നു. പച്ചവിരിച്ചുകിടക്കുന്ന മലമുകളിലേക്ക് കയറി. മഞ്ഞുതുള്ളികൾ പുൽത്തകിടികളെ തഴുകി. പെട്ടന്നാണ് ആ കാഴ്ച്ച എന്റെ കണ്ണിൽപ്പെട്ടത്‌ ഉദിച്ചുയരുന്നസൂര്യന്റെ പ്രഭാതകിരണങ്ങളേറ്റു വിടരുന്ന പൂക്കളും അതിലെ തേൻനുകരുന്ന ശലഭവും. അൽപ്പനേരം അതിമനോഹരമായ കാഴ്ച്ചകണ്ടുഞാൻ നിന്നുപോയി. മനസ്സിൽ ഞാൻ കുറിച്ചിട്ടു. ജീവിതത്തിൽ ഈശ്വരൻ നമുക്കുതന്ന വരദാനമാണ് കാഴ്ച്ച.

മനസ് അവിടെ നിന്നും ആഴത്തിൽ ചിന്തിക്കുവാൻ തുടങ്ങി എന്നിലേക്ക് പ്രകൃതിരമണീയമായ കവിതകൾ ഓടിയെത്തി. പെട്ടന്ന് എന്റെ മൊബൈൽഫോണ്‍ റിംഗ് ചെയ്യാൻ തുടങ്ങി. ഞാൻ ഫോണ്‍ എടുത്തുനോക്കിയപ്പോൾ കൂട്ടുകാരൻ പ്രമോദാണ്. അവൻ പറഞ്ഞു; നീ ഉടൻതന്നെ കോളേജിൽ എത്തണം എനിക്കൊരു അത്യാവശ്യകാര്യം പറയാനുണ്ട്. ഞാൻ ചോദിച്ചു എന്താണ് കാര്യം? കോളേജിൽ വന്നിട്ട് പറയാം എന്ന് അവൻ പറഞ്ഞു. ഞാൻ കോളേജിൽ ചെന്നു. അവൻ എന്നെ ലൈബ്രറിയിലെ ഒഴിഞ്ഞ മുറിയിൽ കൊണ്ടുപോയി ഇരുത്തി. ഉടൻ തന്നെ ബാഗിൽ ഉണ്ടായിരുന്ന ഒരു വലിയ പേപ്പർകെട്ട് എടുത്തു. എന്നിട്ട് പറഞ്ഞു ഇത് എന്റെ അഗാഥമായ പ്രയത്നംകൊണ്ടും അനുഭവങ്ങൾകൊണ്ടും എഴുതിയ തിരക്കഥയാണ്. ആദ്യം ഞാനൊന്ന് ചിരിച്ചെങ്കിലും അത് വായിച്ചപ്പോൾ മനസ് അതിൽ ലയിച്ചുപോയി. വായനയിൽ മുഴുകിയ ഞാൻ മൂന്നുമണിക്കൂർ കടന്നുപോയത് അറിഞ്ഞതേയിലല. തിരക്കഥ വായിച്ചപ്പോൾ ഞാൻ അത്ഭുതപ്പെട്ടു .ഞാൻ കണ്ട പ്രകൃതിരമണീയമായ കാഴ്ച്ചകളാണ് ഇതിൽ ചിത്രീകരിച്ചിരിക്കുന്നത്. വായിച്ചു തീർന്നതും പ്രമോദ് പറഞ്ഞു ഇതിലെ അഭിനേതാവായി നിന്നെയാണ് തിരഞ്ഞെടുത്തിരിക്കുന്നത്. അടുത്ത ആഴ്ച്ച ഷൂട്ടിംഗ് തുടങ്ങാം.
ആ നിമിഷത്തിൽ ഞാൻ ഞെട്ടിയുണർന്നു. പിന്നീടാണ് എനിക്ക് മനസ്സിലായത്‌. സന്തോഷവും ആകാംഷയും നിറഞ്ഞ ഒരു സ്വപ്നമാണെന്ന്. ഞാൻ ചിന്തിച്ചു എന്തുകൊണ്ടാണ് ഇത്തരം ഒരു സ്വപ്നം കാണാൻ ഇടയായത്. അതിന്റെ ഉത്തരം എനിക്ക് കിട്ടി. എന്റെ ആദ്ധ്യാപകൻ എനിക്ക് പറഞ്ഞുതന്ന വസന്തകാലപൂക്കൾ എന്ന ആദ്ധ്യായത്തിലെ ഓർമ്മകളാണ് ആ മനോഹരമാർന്ന സ്വപ്നലോകത്തേക്ക് എന്നെ നയിച്ചത്.



(അന്ന് എനിക്ക് മനസ്സിലായി മനോഹരമാർന്ന പുസ്തകങ്ങൾക്ക് മനുഷ്യമനസ്സുകളെ സ്വാധീനിക്കാൻ കഴിയുമെന്ന്)